جدید پنجابی شاعری
نئیں دیندا ویلا سوچن دا
اے مسئلہ روٹی لاون دا
چج نئیں سانھوں ہسن دا
حق نہ کھووو روون دا
دھیان گیا اے اپنے ولے
منہ تکیا اے درپن دا
کالے بدلو! مینہ پاؤ
کیہ فیدا خالی گجن دا
اپنا آپ گنوا بیٹھے
چاء سی اوہدا ہوون دا
رہ گئے دنیا توں پچھے
گھاٹا پچھے ویکھن دا
جاوے بھانوے جان فصیح
ہتھ چھڈنا ناہیں سجن دا
شاہین فصیح ربانی
No comments:
Post a Comment
Note: only a member of this blog may post a comment.