جدید پنجابی شاعری
استاد عابد جعفری ہوراں لئی ہک نظم
حرفاں دی گڈھ کھولن لگیاں
کیہ منتر پھوکنا ایں
ہر کوئی نئیں جانڑدا
تُوں او طبیب ایں جیہڑا
اکھراں دی بمار نبض
تے ہتھ رکھے بنا
مرض دس دیندا اے
میری روح
اج وی اوس بیٹھک چ قید اے
جتھو میں اڈن دا چج سکھیا
تیرے حقے دی گھڑ گھڑ
تے تیرے ہاسے دے وچ
میں جیہاں کنیاں دا دکھ لُک جاندا سی
توں او دریا ایں جیہڑا لہراں ونڈن لگیاں
آپنڑے تے پرائے وچ
ویربا نئیں کردا
توقیر رضا
No comments:
Post a Comment
Note: only a member of this blog may post a comment.