جدید پنجابی شاعری
ایہہ نہ سمجھیں اوہو رام کہانی اے
اج میں تینوں تازہ غزل سنانی اے
اج اک یار توں منگوا فون لیایا واں
اج اک فوٹو تیرے نال بنانی اے
میں چاہناں واں ہاسے پُنگھرن بُلھیاں تے
توں چاہنا ایں ہر اک اکھ روانی اے
سورج لمّی تان کے سُتا ورہیاں توں
کس نے آن کے اُس دی اکھ جگانی اے
اُس نوں میریاں نظماں نال محبت اے
میرے لٸی اوہ غزلاں دی اِک رانی اے
جس دی لَے تے بدل کُھل کے وسیا سی
اج ونجھلی تے اوہو دُھن وجانی اے
ایہ کیہ ہویا بازی چھڈ کے نس گیا
حالی تے میں اگلی کھیڈ رچانی اے
میں شاعر آں، شاعر سُچل نظماں دا
میں نہیں مرنا، دولت آنی جانی اے
صغیر تبسم
No comments:
Post a Comment
Note: only a member of this blog may post a comment.