جدید پنجابی شاعری
اوہدا اک اک ساہ دُعاواں ورگا اے
بے شک ماں دا پیار خُداواں ورگا اے
ماں دے پیراں ہیٹھاں کُنجی جنّت دی
ماں دا ساتھ بہشتی راہواں ورگا اے
ماں دے اُٹھے ہتھ فلک نُوں جا لگدے
ماں دا دامن شہر پناہواں ورگا اے
ماں دا اتھرُو موڑے رُخ طُوفاناں دے
گُھمن گھیریاں وچ ملاحواں ورگا اے
پرسی ماں دے پیار دی وُسعت کی دساں
اک قطرہ وی سو دریاواں ورگا اے
ڈیوڈ پرسی
No comments:
Post a Comment
Note: only a member of this blog may post a comment.