جدید پنجابی شاعری
رب آکھیا دلداریاں تیرے اتے ختم ہو گئیاں
محبوب توں، تے یاریاں تیرے اتے ختم ہو گئیاں
ہر ہک نبیؑ اج مقتدی، سردار توں سوہنڑا نبی
نبیاںؑ دیاں سرداریاں تیرےﷺ اتے ختم ہو گئیاں
پیالہ ہے ہک پیا جانڑدا ایں کجھوراں وی توں اگا جانڑدا ای
سن شوکتاں اے ساریاں تیرے اتے ختم ہو گئیاں
تن من صدیقؓ سب وار کے آقا اتوں اے آکھیا
منٹھاریاں حبداریاں تیرے اتے ختم ہو گئیاں
ایناں کوئی دلدار نئیں امت دے لئی پریشان نئیں
لجپالیاں غمخواریاں تیرے اتے ختم ہو گئیاں
اے شان وی تیری سوہنڑا چل کے شجر کول آ گیا
نادر اے سب مختاریاں تیرے اتے ختم ہو گئیاں
ابوبکر نادر
No comments:
Post a Comment
Note: only a member of this blog may post a comment.