جدید پنجابی شاعری
حسینؑ کیہہ اے ایہہ پچھنڑا کدی خدا کولوں
خدا نہ لبھے تے فر پچھنڑا سیدہؑ کولوں
ایہہ ریت دشت دی خاکِ شفا بنڑی کیویں
ایہہ آپ دسے گی پچھنڑا کدی شفا کولوں
دعائے سیدہ زہراؑ نوں، لوک ربِ وفا
کیوں آکھدے نیں ایہہ پچھنڑا کدی وفا کولوں
جواب آئے گا اکبرؑ تے مصطفیٰؐ اک نیں
سوال پچھیا جے والشمس والضحیٰ کولوں
بہتراں کولوں نو لکھ نوں کیویں ہار ہوئی
جواب ملیا جدوں پچھیا کربلا کولوں
حبیبؑ، جونؑ، زہیر ابنِ قینؑ تے مسلمؑ
کیویں دے بندے نیں ایہہ پچھنڑا مصطفیٰؐ کولوں
گئے نیں نیزے تے کس واسطے ایہہ شام تائیں
کدی ایہہ پچھنڑا سراں کولوں یا ردا کولوں
ایہہ دیوا بجھ کے کیویں خیمہ کر گیا روشن
سمجھ نہ آوے تے پچھنڑا کدی ہوا کولوں
امامِ عصرؑ نے تسنیم تے کرم کیتا
بچائی رکھیا اے اس نوں سدا ریا کولوں
تسنیم عباس قریشی
No comments:
Post a Comment
Note: only a member of this blog may post a comment.