جدید پنجابی شاعری
آپ سیکھائیں ساکُوں پیار دے ول وے ڈھولا
سجن بن جیون کوڑا لنگدا نائیں پل وے ڈھولا
ٹُر جائے کتھے جند نمانی کد ملسی ہان دا ہانی
پانبڑ بلدے دل وچ اُٹھدے، سینے سل وے ڈھولا
جھل نئیں ہوندی میتھوں، اک پل دی دُوری
مُڑ آ جا وطناں دکھا دے اپنی شکل وے ڈھولا
آندے جاندے راہیاں کولوں پُچھدی پتہ دلبر دا
وس نئیں چلدا میرا کڈھ لیندی حل وے ڈھولا
واسطے رب دے پاواں تینوں سجن ملا دے میرا
رو رو مر نہ جاواں اکبر ٹالیں مُشکل وے ڈھولا
اکبر چشتی
No comments:
Post a Comment
Note: only a member of this blog may post a comment.