جدید پنجابی شاعری
جے تُوں ایہہ چاہناے میں چل کے آواں، ایہہ بھُل اے تیری
تُوں رسی جاویں تے میں مناواں، ایہہ بھل اے تیری
تُوں وچ شریکاں دے روز بہہ کے تے بھنڈیں مینوں
میں فیر وی تیرے گیت گاواں، ایہہ بھل اے تیری
میں کوئی مٹی دا مادھو تے نئیں جو کول بہہ کے
تُوں جو سناویں میں سنندا جاواں، ایہہ بھل اے تیری
گئے زمانے جدوں سی جندڑی غلام تیری
تُوں چاہویں ہُن وی میں سر جھکاواں، ایہہ بھل اے تیری
میں پہلاں چُپ ساں تے رمز سی کوئی اس دے پچھے
تُوں بولی جاویں میں سر ہلاواں، ایہہ بھل اے تیری
تسنیم عباس قریشی
No comments:
Post a Comment
Note: only a member of this blog may post a comment.