جدید پنجابی شاعری
انھی، بولی، گونگی، باتی مر جانی
نبھدی پئی اے یار حیاتی مر جانی
میں تیری اودر توں ڈردا سوندا نئیں
جاگ پوے نہ ادھی راتی مر جانی
مندا نئیں دریا وی کئیں دی چڑتل نوں
بیڑی وی اے بہوں جذباتی مر جانی
پھٹی وانگ ولیندے وتیے نہ بھئی نہ
جیون دے ہن زندگی ذاتی مر جانی
کھلیاں زلفاں یار دیاں تے ہک سپنی
گلمے اندر پاوے جھاتی مر جانی
کجھ کجھ میں وی جیون جوگا ہو پوساں
جد میں اپنی ذات سنجاتی مر جانی
وسیم اکرم جوئیہ
No comments:
Post a Comment
Note: only a member of this blog may post a comment.