جدید پنجابی سرائیکی شاعری
سڑک دے ڈوہیں کناریں دے ونڑ الیندے ہن
تُوں نال ہانویں تاں سارے سجنڑ الیندے ہن
ملاحیں نال اساڈی دُعا سلام جو ہئی
تونڑیں ضعیف ہئی بیڑی پتنڑ الیندے ہن
نئیں مونجھ ٹکری تہاکوں نصیب دی گال اے
اساڈے نال تاں مونجھیں دے منڑ الیندے ہن
انہاں دے سر دا کٹیجنڑ ضروری تھی گیا ہا
زباں کٹا تے وی پاگل اجنڑ الیندے ہن
اوں جیندی کنڈ تے محبت دے نال ہتھ پھیرا
اوں بُکھ دی ماری ہوئی بکری دے تھنڑ الیندے ہن
مظہر فرید گبول
No comments:
Post a Comment
Note: only a member of this blog may post a comment.