جدید پنجابی شاعری
سِٹھنی، روگ فساد نئیں آیا
کر کے عشق سواد نئیں آیا
عشق نئیں اوہ رج مستی سی
بُھکھ لگی تے یاد نئیں آیا
میں اِلہام سُناون آیاں
ذہن اچ لے کے داد نئیں آیا
اَج دیوی نئیں درشن دِتا
مصرعے دا پرشاد نئیں آیا
راتیں میں خود شعر اِک گھڑیا
مینوں آپ سواد نئیں آیا
دیس لئی سِر لکھاں دے کے
ساہ اک وی آزاد نئیں آیا
الطاف ضامن چیمہ
No comments:
Post a Comment
Note: only a member of this blog may post a comment.