جدید پنجابی شاعری
چالباز رقیب خلاف میرے کھیڈ روز کوئی نویں چال آوے
میرے یار نوں لوتیاں لا آوے بالن سر میرے اتے بال آوے
کلا عشق حملہ آور نئیں ہوندا جدوں لٹدائے چھاؤنیاں دلاں دیاں
غم، درد، تکلیف، ملال، چِنتا لے کے لشکراں دے لشکر نال آوے
ویکھ ویکھ کے ستم تے جور اوہدے ہووے جدوں بے دلی دی شکل پیدا
بھولی شکل اوہدی اکھاں وچ پھر کے میرے دل نوں پان پلال آوے
واقف کار اصول دی کویں سوہنی کچے گھڑے نوں ویکھ کے ڈیہل کھاندی
ترنا عشق دریا وچ ہووے جنہیں گھروں ٹردیاں بیڑیاں گال آوے
روشناس شکرے میں وی ہون لگّاں قاتل پچھدا پیائے ہمجولیاں نوں
ایہو فضلؔ طالب میرے وار دائے جیہڑا کھیڈدا پیا دھمال آوے
پیر فضل گجراتی
No comments:
Post a Comment
Note: only a member of this blog may post a comment.