پنجابی عارفانہ کلام
منزلاں نوں پھڑیا مصطفیٰﷺ دا ناں لے کے
میں کدی وی نہیں رکیا مصطفیٰ دا ناں لے کے
نہیریاں دی بھیڑ اندر اوہنے حوصلہ دتا
رب نوں یاد جد کیتا مصطفیٰ دا ناں لے کے
رب تے اوہدے سوہنے دا پیار ایہناں گُوڑا اے
لبھ لیا میں رب سوہنا مصطفیٰ دا ناں لے کے
تاریاں دا مینہ ورھیا ہو گئی فضا روشن
نہیریاں نوں جد تکیا مصطفیٰ دا ناں لے کے
منزلاں نے خود میرے پیر چُم لئے ودھ کے
پیر جد اگاں رکھیا مصطفیٰ دا ناں لے کے
ہر قدم نے خالد جی راہ میری رُشنائی
جیہڑی رہ تے میں ٹُریا مصطفیٰ دا ناں لے کے
خالد شفیق
No comments:
Post a Comment
Note: only a member of this blog may post a comment.