جدید پنجابی شاعری
تیرے مُکھ ویکھان توں پہلاں
پیار دی پینگ چڑھان توں پہلاں
مینوں حیاتی وچ کجھ نئیں دسیا
صدقے واری جان توں پہلاں
جندڑی نمانی لٹان توں پہلاں
مینوں حیاتی وچ کجھ نئیں دسیا
لباں تے سرخی چھان توں پہلاں
اکھاں وچ لالی آن توں پہلاں
مینوں حیاتی وچ کجھ نئیں دسیا
تیڈا رسیا چہرہ منان توں پہلاں
زلف متھے ہٹان توں پہلاں
مینوں حیاتی وچ کجھ نئیں دسیا
ہجر دے اس سامان توں پہلاں
تینوں سجن بنان توں پہلاں
مینوں حیاتی وچ کجھ نئیں دسیا
رُخ توں گھونگھٹ چان توں پہلاں
چن دا چانن چھان توں پہلاں
مینوں حیاتی وچ کجھ نئیں دسیا
انعام دی گل ودھان توں پہلاں
تیرے دل وچ آن توں پہلاں
مینوں حیاتی وچ کجھ نئیں دسیا
انعام فانی
No comments:
Post a Comment
Note: only a member of this blog may post a comment.