جدید پنجابی شاعری
وارث، بلہے ورگے بیٹھے، ہنس وسار پنجابی نے
کِسراں آکھاں ماں بولی دے برخوردار پنجابی نے
بالاں دے منہ جہڑے اکھر چوغے وانگوں دینے سن
اوہناں بدلے پھڑ پھڑ اوبڑ تندے یار پنجابی نے
اچن چیتی وی نہ لاویں میرے متھے اوہناں نوں
جہڑے وی اس دھرتی اتے بدبو دار پنجابی نے
اودھر اودھر کراں سلاماں دل دی دنیا کہندی اے
جدھر جدھر جاندے میرے باکردار پنجابی نے
کنڈ کدے نہ لگے ربا وچ میدانے اوہناں دی
جہڑے اپنی ماں بولی دے خدمتگار پنجابی نے
خواجہ فریدؒ، محمدؒ، وارثؒ، نانک، بلھاؒ، باہوؒ، لالؒ
ایہہ پنجابی اچے سچے، ایہہ سردار پنجابی نے
اپنی بولی بولن ویلے جہناں دا ساہ گھٹدا اے
بابا نجمی دے دے فتویٰ، اوہ غدار پنجابی نے
بابا نجمی
No comments:
Post a Comment
Note: only a member of this blog may post a comment.