پنجابی عارفانہ کلام
رب دا قرآن سوہنے نبیﷺ دی تعلیم
ایہہ جے میرے دوستو صراطِ مستقیم
ایہہ رکھنا ایمان کہ قرآن سچا اے
گھلن والا اللہ رحمان سچا اے
لیایا جرائیل فرمان سچا اے
آیا جندھے اتے اوہ جے نبی کریم
ایہہ جے میرے دوستو صراطِ مستقیم
قرآن سچا دوستو پکارا حق دا
گھلیا اے رب نے بلارا حق دا
سن لوو کن لا کے نعرا حق دا
اوہ تر جئے گا جنہے جنہے کر لئی تعظیم
ایہہ جے میرے دوستو صراطِ مسقیم
جیہڑا کم رب دا قرآن دسدا
ساریاں نو مالک جہاں دسدا
نبیﷺ کریم مہربان دسدا
جنہاں جنہاں من لیا بن گئے عظیم
ایہہ جے میرے دوستو صراطِ مستقیم
نبیﷺ دی اطاعت جے اطاعت رب دی
نبیﷺ نے جو دسی اے اوہ بات رب دی
وحی کیتی نبیﷺ اتے ذات رب دی
من لوو جنہاں رہنا جنتیں مقیم
ایہہ جے میرے دوستو صراطِ مسقیم
عبدالشکور عزیز
No comments:
Post a Comment
Note: only a member of this blog may post a comment.