جدید پنجابی سرائیکی شاعری
ساوی ساوی کِکری اُتے
چٹے چٹے بگ ڈھولنڑاں
اساں مناں لوگ سدھے
توں مناں ٹھگ ڈھولنڑاں
مینہ پیا پلیاں اتے
پھلیاں اتے کلیاں اتے
نِمی نِمی اندروں ولا
دُکھ پئی اے اگ ڈھولنڑاں
اکھیاں دی سوں ماہی وے
رُس پیوں توں ماہی وے
اساں تاں فقیراں کنوں
رُس پیا جگ ڈھولنڑاں
نو دا چندر کتھاں
ست اٹھ سال کتھاں
عمراں دی عمراں گئی
تیڈے نانویں لگ ڈھولنڑاں
سندھو تیڈے پُتر اساں
سندھو تیڈے بال اساں
تیڈے نانویں لاج سبھو
تیڈے نانویں پگ ڈھولنڑاں
اشو لال فقیر
No comments:
Post a Comment
Note: only a member of this blog may post a comment.