جدید پنجابی شاعری
عشق چہ اپنی انج حیاتی ہنڈی اے
جسراں واڈھے خوب پرالی پھنڈی اے
میں وی کج تعبیراں ویچن آیا واں
دسو خاباں والی کتھے منڈی اے
بال وی جم لئے اوہدی بے پروائی نے
میری الفت ہالے تیکر رنڈی اے
منصف نوں میں کہڑی گل دا دوش دیاں
میرے اپنے لوکاں ماری ڈنڈی اے
لیراں لیراں ہو کے ڈگ پئی بھوئیں تے
دل دی روٹی اسراں اوہنے چھنڈی اے
سورج چن ستارے روشن اوہدے نال
تیری اکھ نے جو رشنائی ونڈی اے
تیرا ہاسا ضامن ایس حیاتی دا
تینوں تکیاں اکھ وی رہندی ٹھنڈی اے
میں تے تیری یاد چہ رجھیا رہنا واں
لوکی آکھن تنہا بہت گھمنڈی اے
محمد عمران تنہا
No comments:
Post a Comment
Note: only a member of this blog may post a comment.