پنجابی عارفانہ کلام
دن رات سناواں گے سرکارﷺ دیاں نعتاں
چنگیاں نیں اساڈے لئی دلدارﷺ دیاں باتاں
کیہ نسل تے کیہ رنگ اے کد پچھدے او لوکاں توں
ناں ویکھدے عیباں ول ناں یار دیاں ذاتاں
کیہ دساں میں بھلا یارو! محبوب مِرا کنج دا
بے مثل اوہدا ہر دن اسرار دیاں راتاں
سرکار دے بوہے تے دنیا وی تے عقبی' وی
بھل جاندے سجن آ کے سنسار دیاں ماتاں
کد عیب کدی لبھ دے سوہنے دی حیاتی دے
جو تکدے محمد دے کردار دیاں گھاتاں
فیضی او کدوں منگدے دنیا دے فقیراں توں
جو منگدے مدینے دے غمخوار دیاں جھاتاں
مبشر حسین فیضی
No comments:
Post a Comment
Note: only a member of this blog may post a comment.