جدید پنجابی شاعری
لاگے بیٹھیاں دا وی غم کرواندا اے
کہیڑے کہیڑے ویلا کم کرواندا اے
دکھاں وچ ایہہ ہاسے بخشے بلھاں نوں
خوشیاں دے وچ اکھاں نم کرواندا اے
آکڑ بھن دا ویلا آکڑ خاواں دی
بڑیاں بڑیاں دھوناں خم کرواندا اے
کدرے سُکیاں نوں ایہہ ساڑھے دُھپاں وچ
کدرے ہریاں تے چھم چھم کرواندا اے
کدی چڑھاوے دار تے سچے عاشق نوں
جُتی پیراں دی ایہہ چم کرواندا اے
جہیڑا اوہنوں بنا حجابوں ویکھے او
اپنیاں اکھاں اُتے دم کرواندا اے
جہیڑے لِفدے ای نئیں کدرے وی تنہا
عشق تے نیویں او وی تھم کرواندا اے
محمد عمران تنہا
No comments:
Post a Comment
Note: only a member of this blog may post a comment.