پنجابی عارفانہ کلام
طیبہ دیاں گلاں صبح و شام کرئیے
ہر ویلے اِکو ای کلام کرئیے
دل وِچ وسدا اے اِکو ای خیال
طیبہ وچ جِندڑی نیلام کرئیے
طور نہ جنتاں دی لوڑ سانوں
ہر گھڑی طیبہ دے ای نام کرئیے
رب کولوں اِکو ای دعا منگیے
طیبہ وچ وسنا دوام کرئیے
طیبہ دِیاں گلیاں دے وِچ بیٹھ کے
آقاﷺ تے درود تے سلام کرئیے
طیبہ جا کے مُڑ آنا جچدا نئیں
طیبہ وِچ پکا ای قیام کرئیے
روضے دیاں اکھاں نال چُم جالیاں
زندگی دا سفر تمام کرئیے
محبوب احمد شاہ
No comments:
Post a Comment
Note: only a member of this blog may post a comment.