اللہ ہو اللہ ہو اللہ ہو اللہ ہو

 پنجابی عارفانہ کلام

اللہ ہُو اللہ ہُو اللہ ہُو اللہ ہُو

اللہ ہُو اللہ ہُو اللہ ہُو اللہ ہُو

سب دا مُشکل کُشا، سب دا حاجت روا

سب دے دُکھ دی دوا، سب دی سُنڑدا سدا

سب نُوں پالے تے سب دی رکھے آبرو

اللہ ہُو اللہ ہُو اللہ ہُو اللہ ہُو

سب دا رازق وی اوہ، سب دا خالق وی اوہ

سب دا راکھا وی اوہ، سب دا مالک وی اوہ

کردا پوری اے ہر اک دی اوہ آرزو

اللہ ہُو اللہ ہُو اللہ ہُو اللہ ہُو

میرا ربِ جلی، کردا بُریوں بھلی

اوہدے منگتے نبی، اوہدے مانگت ولی

اوہدا دربار اے منزلِ جستجو

اللہ ہُو اللہ ہُو اللہ ہُو اللہ ہُو

اس بنایا اے پر، آپ بنیا نہیں

اس کسے نُوں کسے اوہنوں جنیا نہیں

ذرے ذرے دے وچ اوسے دی اے نمو

اللہ ہُو اللہ ہُو اللہ ہُو اللہ ہُو

جس دا بندہ ہاں میں اوہ ہے سب دا خدا

کوئی معبود دُوجا نہیں اس توں سوا

کُھلے صائم خزانے اوہدے چار سُو

اللہ ہُو اللہ ہُو اللہ ہُو اللہ ہُو

صائم چشتی