پنجابی عارفانہ گیت
اللہ والی تیرا میرا اللہ والی سبھ دا اے
جو کجھ نظراں ویکھن پئیاں میرے سوہنے رب دا اے
جناں شکر وی کرئیے اوہدا، پھیر وی شکر ادا نہ ہووے
کی کرئیے جے ملے نہ پانی، کی کرئیے جے واء نہ ہووے
اس نوں جے کر لبھناں ہووے ہر ذرے چوں لبھدا اے
اللہ والی تیرا میرا اللہ والی سبھ دا اے
جتھوں تیکر نظراں جاون اس دے جلوے نظریں آون
پتھراں وچ وی بیٹھے کیڑے اس دی دتی روزی کھاون
بِن منگیاں جو دیوے اوہو رب اکھواندا سبھدا اے
اللہ والی تیرا میرا اللہ والی سبھ دا اے
عبدالکریم قدسی
No comments:
Post a Comment
Note: only a member of this blog may post a comment.