جدید پنجابی پوٹھواری شاعری
تکاں راہ تیرے کدے آ جاویں
اکھاں رہندیاں سرِ راہ اج وی
صبح شام بس رہندی اڈیک تیری
رہندی وچ اُڈیک نگاہ اج وی
رو رو اکھیاں مندڑا حال کیتا
رہندا دل پریشان ہے ہر ویلے
دل دھڑکدا اکھاں چوں نیر جاری
اکھڑے رہندے غریب نے ساہ اج وی
اوہدی وچ اُڈیک دے شام پئے گئی
اجے تک نئیں آیا سندر شام میرا
رو رو کے اکھیوں بینائی بھی گئی
بے پرواہ نوں نہیں پرواہ اج وی
وانگ سسی نے تکاں پئی راہ اس دے
متے آ جاوے کیچم دا خان میرا
زندگی مُکن تے آ گئی وسیم میری
تیری مُکی نی سوہنیا چاہ اج وی
سجاد وسیم کیانی
No comments:
Post a Comment
Note: only a member of this blog may post a comment.