جدید پنجابی شاعری
لکھنی اے اک نظم نویں میں
جیہڑی کئی ورھیاں توں
ذہن چ بیٹھی
پر اوہ چاہندی
نہ ای اُلیکاں اوہنوں
تاہیوں
لفظ کوئی بَوڑھن نہیں دیندی
اپنے آپ نوں جندرا ماری بیٹھی
جیہڑا کُھلدا ناہیں نال اڑیساں
معنے تے موجود نیں
پر
اکھر نہیں یاری کردے
اج میں لِیکن بیٹھا ساں
اج وی کِیل دے وچ نہیں آئی
ترلا ماردا رہساں فِر وی
جدّن آئی
پیش کریساں ہتھیں بدّھی
افتخار فلکی
No comments:
Post a Comment
Note: only a member of this blog may post a comment.