ہوئی آمد حضور دی جگ اندر

 جدید پنجابی پوٹھواری عارفانہ شاعری

ہوئی آمد حضورﷺ دی جگ اندر

ہر کوئی پیار سنگ گلے لگاندا رہیا

نُوری ناری تے خاکی مسرور ہو گئے

نغمے خوشی دے ہر کوئی کاندا رہیا

جس وی چہرہ پُر نُور حسین تکیا

احمدؐ احمدﷺ دا ورد پکاندا رہیا

نُوری لاٹاں نہ جھل آفتاب سکیا

پچھے ابر دے مُکھ چھاندا رہیا

اپنے حُسن تے قمر جو مان کردا

نُور ازل نُوں ویکھ شرماندا رہیا

اک نظر جناب دے ویکھنے نُوں

اُتوں فلک سی جھاتیاں پاندا رہیا

ہو گئے باطل پریشان سارے 

اپنا سر ابلیس لُکاندا رہیا

عبدی کون و مکان دا ہے والی

جوشِ اُلفت وچ رب فرماندا رہیا

عاطف حسین عبدی