پنجابی عارفانہ کلام
جے آقاﷺ دی نظر ہو جاوے
موتی ہر اکھر ہو جاوے
خُلق اوہدے دا موسم آوے
سوہنا ہر منظر ہو جاوے
ہور وی نکھرے ساوا گنبد
اکھ میری جد تر ہو جاوے
باس اوہدی دو جگ وچ پھیلے
ساوا دل کھیتر ہو جاوے
اوہدے ناں دا سکہ چلے
نوری نگر نگر ہو جاوے
فر کوئی صورت ایسی نکلے
حاضر ایہہ بے پر ہو جاوے
شہریت اس دیس دی لبھے
دل آقاﷺ دا گھر ہو جاوے
انج سلامی دیواں در تے
خوش سوہنا سرورؐ ہو جاوے
اوہدے رہ تے چلدیاں چلدیاں
باقی عمر بسر ہو جاوے
کجّے عیب بقیع دا ریتا
تائب جان امر ہو جاوے
حفیظ تائب
No comments:
Post a Comment
Note: only a member of this blog may post a comment.