جدید پنجابی عارفانہ کلام
ہِکا ذات اے ذات صفاتوں، ہِکا ہِک ہکلّا، اللہ
ہکا ذات اے جس وچ پاوے ہور نہ کوئی رلا اللہ
ہکا ذات اے جس دے ذکروں دل نوں ہگ تسلا اللہ
ہکا ذات اے جس دے نوروں ہر شے نور تجلیٰ اللہ
ہکا ذات اے جس دی نظروں دسدا عرش معلیٰ اللہ
ہکا ذات اے جس دے کرموں ہووے کم سولا اللہ
ہکا ذات اے جس دے فضلوں دونہیں جہانیں بھلا اللہ
ہکا ذات اے جس دی حبوں دل وچ پئے تھرتھلا اللہ
ہکا ذات اے جس دے نپئے پکا پیڈا پلا اللہ
باغ کمالا! جپ ہر ویلے، بن نہ اڑیا جھلا۔ اللہ
باغ حسین کمال
No comments:
Post a Comment
Note: only a member of this blog may post a comment.