پتہ نئیں عرش تے کیا ہے پتے اسمان کیجھاں ہے

 جدید پنجابی سرائیکی شاعری

پتہ نئیں عرش تے کیا ہے پتے اسمان کیجھاں ہے

ستاریں تے جیہرا ٹردا ودے انسان کیجھاں ہے

اساں پہلے کنوں ہئیں ہک وڈے طوفان دی زد ءچ

جیہرا آہدے ودین آسی بیا طوفان کیجھاں ہے

اوں آکھیے اج دی محفل وچ نواں اعلان کرنے میں

اساں بیٹھے ہیں ساہ جھن کے پتے اعلان کیجھاں ہے

نہ اے کہیں من منیت ءچ ہے نہ اے مندر مسیت ءچ ہے

اے دل کافر تاں پہلے ہا مگر بئیمان کیجھاں ہے

اتھاں سجھ آ کرائیں میڈیاں نویاں غزلاں لکا ویندے

خدا جانے میڈے کمرے دا روشن دان کیجھاں ہے

میڈی وستی دے لوکی عیش وچ ہن طیش وچ وی ہن

تیڈی وستی سنڑیے سے خوش نہال خان کیجھاں ہے

اقبال سوکڑی