جدید پنجابی سرائیکی شاعری
اونویں چِچرے اونویں باتے ودے ہیں
تیڈے بُکل دے وچ پاتے ودے ہیں
اِتھاں ہر کوئی ودے شِجرے تے ٹُردا
اساں ذونکی ہیں، بے ذاتے ودے ہیں
اوں آکھیا ہا، نہ بولیں، مونہہ نہ کھولیں
اساں ہوں ڈینھ دے بے واتے ودے ہیں
عجب حالت ہے، بھوئیں تے پیر کائنی
ہوا وچ کائے نسے چا تے ودے ہیں
تیڈی مرضی ہے، تُوں سمجھیں نہ سمجھیں
اساں اَج وی تیڈے کھاتے ودے ہیں
اقبال سوکڑی
No comments:
Post a Comment
Note: only a member of this blog may post a comment.