جدید پنجابی شاعری
ایہ کوئی گل اے منٹاں دے وچ اگ وساون لگ پیندے نیں
نکیاں نکیاں گلاں تے بندوق چلاون لگ پیندے نیں
نہ ہووے تے پگ نوں وی ایہ پیراں تھلے سٹ دیندے جے
پیسا ہووے تے فیر لوکی پیر دباون لگ پیندے نیں
میرے پنڈ دا ایہ ورتارا میرے پنڈ نوں کھا جاوے گا
گل مکاون دی تھاں لوکی گل ودھاون لگ پیندے نیں
میں جہناں دے ہر اک عیب تے پردے پاندا تھکدا نہیں آں
میرا عیب جے لبھ جاوے تے ڈھول و جاون لگ پیندے نیں
جہڑے قسماں کھا کے وعدے نال ٹرن دے کردے نیں نا
اوکھا ویلا آ جاوے تے سانجھ مکاون لگ پیندے نہیں
زین جٹ
No comments:
Post a Comment
Note: only a member of this blog may post a comment.