جدید پنجابی شاعری
اُجڑے پُجڑے لوکاں کولوں
بڑیاں نظماں لبھدیاں نیں
کُجھناں دی ہڈ بیتی
غزلاں ورگی ہُندی
کُجھ ادُھورے گیتاں ورگے
کئیاں مجنواں دے چہرے اُتّے
لیلیٰ اُلِیکی ہُندی
دھُوئیں اُتے بیٹھے
سواہ پھرولدے
سارے آپو اپنیاں ہیراں لبھدے
مسجد مکتب ولّوں نَسّے
بُلھّے دے بُوہے تے بیٹھے
اپنا سچ نتاردے پئے نیں
اُجڑے پُجڑے لوکی
کدھرے کافی
کدھرے دوہڑے گا کے
اپنے مَچ نوں ٹھاردے پئے نیں
اُجڑے پُجڑے لوکاں کولوں
بڑیاں نظماں لبھدیاں نیں
افتخار فلکی
No comments:
Post a Comment
Note: only a member of this blog may post a comment.