جدید پنجابی شاعری
کرتار پور لانگھا کھلن تے
بُوندیاں، برفی، شگن، مٹھائیاں لے جاوے
کون اُراروں پار ودھائیاں لے جاوے
اپنے نمک پارے سانوں دے جاوے
ساڈے ولوں نان خطائیاں لے جاوے
نانک دے دربار تے لکھ لکھ پھیرے پون
مِتر پیارا نیک کمائیاں لے جاوے
ساڈا تن من دھن وی اوس توں واری اے
آوے سوہنا کڑے کلائیاں لے جاوے
پتہ نئیں سرکاراں کیہ کجھ سوچدیاں نیں
ویلا سبھ دے دلوں بُرائیاں لے جاوے
توقیر رضا
No comments:
Post a Comment
Note: only a member of this blog may post a comment.