نندر پوری کرن دا وی ڈھب ہوندا ہے

 جدید پنجابی سرائیکی شاعری

نندر پوری کرن دا وی ڈھب ہوندا ہے

خواب ڈیکھن تاں محنت طلب ہوندا ہے

اے محبت خدا دی کوئی شکل ہے

عشق وی تاں خدا دا غضب ہوندا ہے

تیکوں لگدے جو تیڈا کوئی نئیں بنیا

آخری عمراں وچ تاں اے سب ہوندا ہے

کجھ بناون تاں قسمت دی گالھ ہے مگر

سب ونجاون بشر دا کسب ہوندا ہے

لاڈ تے رس ونجن ہُج دی تصویر ہے

بدگمانی دا کوئی سبب ہوندا ہے

اے ڈراوے دیاں رمزاں پہنچ توڈیں ہِن

جیرھا پہنچ اچ نئیں اوہو رب ہوندا ہے

صباحت عروج