پنجابی سرائیکی نعت
ویندی تاں اُویں پئی ہے بادِ صبا مدینے
ڈوکھیاں دا حال چائی ونج ڈیویں سُنڑا مدینے
اللہ دی بارگاہ وچ ہر جاہ توں پُجدی ہے پر
مقبول ہے او جیہڑی منگو دعا مدینے
آؤ گنہ گارو بخشش کرا گھنو ہا
جھولی نہ ویجے خالی ویندی ہے بھر مدینے
میڈی مرض طبیبو کیویں بھلا ہٹیسو
دل تاں ہے میڈے سینے دل دی دوا مدینے
لکھاں پڑھو نمازاں پر او سرور کئے نئیں
کوئی ہک تاں تھی ونجے ہا سجدہ ادا مدینے
زندگی رہئی تاں آخر ملسوں نماشاں ویلے
مکے عشاء ہوسی پڑھسوں فجر مدینے
الحمدللہ شاکر بہوں ہے خدا دا ڈِتڑا
تن دی فکر تاں کئے نئیں من دی غذا مدینے
شاکر شجاع آبادی
No comments:
Post a Comment
Note: only a member of this blog may post a comment.