جدید پنجابی شاعری
کہنوں اینی ویہل پیارے
جیہڑا تیری زلف سوارے
ہار شنگار کرے کوئی اُودھر
اِیدھر دل تے چلن آرے
کُنج کے رکھدوں جے توں زلفاں
پیندے کاہنوں ایڈ کھلارے
جے میں ہریا تے پھر کیہ ہویا
ایتھے خورے کنّے ہارے
آپو اپنی اے سب نوں پئی
سوچیا نہ کر میرے بارے
اس دنیا تے آ کے ٹر گئے
میرے ورگے کئی وچارے
سُتے گھوک گوانڈی سارے
نہ کر ظفرا! بول بلارے
میاں ظفر مقبول
No comments:
Post a Comment
Note: only a member of this blog may post a comment.