جدید پنجابی شاعری
سجناں بھاویں چن توں لتھائیں
ہُن توں میرے من توں لتھائیں
سوچ سمجھ کے سازش کر کے
اپنے پاگل پن توں لتھائیں
تاں فنکاراں رہبر منیائے
پورا اپنے فن توں لتھائیں
چڑھیا سیں توں سر میرے تے
گُھنگھرو دی کھن کھن توں لتھائیں
ارماناں دی جدوں جنج لُٹیوی
مُرکی وانگوں کن توں لتھائیں
رب دا وصی شاہ شکر ادا کر
بُڈھڑے سپ دے پھن توں لتھائیں
سید وصی شاہ بخاری
No comments:
Post a Comment
Note: only a member of this blog may post a comment.