جدید پنجابی شاعری
آن دا وعدہ تے کیتا پر نہ آیا جان کے
جان دا ہاں اس نے میرا دل دکھایا جان کے
نظر بھر کے ویکھدا تے بھاگ میرے جاگدے
پھیر نظراں سُولی غم دی اُس چڑھایا جان کے
جیہڑا کہندا سی پیارا اوہنوں ہاں میں جان توں
پاسہ وٹ کے لنگھ گیا مینوں پرایا جان کے
سامنے آ کے اوہدی اکھاں دا جُھک جانا کہوے
بُھل تے سکیا نہیں میں پر بُھلایا جان کے
بھرم نہ کُھل جائے شیدا کدھرے اوہدے جھوٹھ دا
رُوبرُو آیا تے اوہنے منہ لُکایا جان کے
اقبال شیدا
No comments:
Post a Comment
Note: only a member of this blog may post a comment.