جدید پنجابی شاعری
وقت دا جندر پیہہ چھڈدا اے آٹا حسن غرور دا
انگ انگ لمکا جاندا سوہنے حسن شریر دا
نصیب توں چوکھا وقتوں پہلے ملیا تے نہ ملنا اے
ناں دھردے نیں بندے ایویں اپنی اس تقدیر دا
وقت ویاہ لے سب کُجھ تیرا رب وی تیرا دُنیا تیری
وقت ہنڈا کے بہہ جائیے تے گلہ کیوں تقدیر دا
اوہ آپ تے رکھے سب ہنر انساناں دی بربادی لئی
خورے کیوں دُکھ رکھدا اے میری اک شمشیر دا
نہ ہن بندے غور نال سُندے نہ کوئی واعظاں کردا
ہن کسے تے اثر نئیں صابر اس مُل وکدی تقریر دا
صابر حسین صابر
No comments:
Post a Comment
Note: only a member of this blog may post a comment.