جدید پنجابی شاعری
نچ نچ کے وکھانا پیندا جے
سر دے کے منانا پیندا جے
جے نظر کرے مرشد سوہنا
دِیوا عشق تُخانا پیندا جے
جے آوے شیطان وچ راہِ عشق
لاحول پڑھ کے نسانا پیندا جے
دسن راہ مرشد لیکن خود نُوں
بندہ آپ بنانا پیندا جے
جیہڑی راہ دا مرشد دس دیوے
اوس راہے جانا پیندا جے
جے رب دا قرب پانا ہووے
فیر میں نُوں مُکانا پیندا جے
امیر عثمان
No comments:
Post a Comment
Note: only a member of this blog may post a comment.