جدید پنجابی شاعری
پے چلیو ای شام نی مائے
نہ آوے آرام نی مائے
اِک دو دن دی گل نہ مائے
ایتھے درد دوام نی مائے
اتھرو ڈولھاں، دس کیہ بولاں
دکھڑے کرن کلام نی مائے
سینے بلدی اَگ بجھاواں
لے لے تیرا نام نی مائے
ساڈے اندر گھور ہنیرا
ساڈے سِر تے شام نی مائے
رگ رگ اندر دُکھ رچیا اے
دے سکھاں دا جام نی مائے
لوکی سانوں کھو کھو کھاون
لا لا کے الزام نی مائے
اوکھے اوکھے ساہ پئے نِکلن
کِیتا درد قیام نی مائے
کی ایہہ ساڈے لیکھ نی امّاں
کی ساڈا انجام نی مائے
چُنی وِچ لُکا لے سانُوں
مُک جاوَن آلام نی مائے
زین شکیل
No comments:
Post a Comment
Note: only a member of this blog may post a comment.