جدید پنجابی شاعری
اک دن پاک رسولﷺ کریم تائیں لگا کہن کافر اک آ کے تے
سُنیا میں دعویٰ تُوں کریں پیغمبری دا خبراں وحی دیندا تینوں آ کے تے
آیا میں وی سُن کے نام تیرا دسیں گل مینوں سمجھا کے تے
جہڑی دِتی اے رب کریم تینوں ذرا دس کھاں اوہ سُنا کے تے
نالے معجزہ کوئی وکھا مینوں مناں دین یقین لیا کے تے
سُنی بڑی جہان تھیں صفت تیری اے پر من ساں آپ ازما کے تے
اگوں پاک رسول ﷺ فرماوندے نیں جد اوس اپنی گل مُکا لئی اے
تُوں جد چل کے ساہڈے ول آیوں وچ راہ دے گل بنا لئی اے
ڈِٹھوئی آہلنا اک کبوتری دا ڈھیری آنڈیاں دی اوتھوں چا لئی اے
ہُن وی بغل دے وِچ دبائی بیٹھائیں میتھوں غیب دی گل پُچھا لئی اے
اُڈدی آئی کبوتری مگر تیرے تُدھ تیر وکھا ڈرا لئی اے
اوہ تک اجے یتیمنی پئی روندی تیتھوں پوند اس عرض سُنا لئی اے
کافر سُندیاں سار قربان ہویا ورتی ہوئی اس گل ازما لئی اے
صدق نال جھڑ پیا سراج قدمیں کلمہ پڑھ تقصیر بخشا لئی اے
میاں سراج الدین سراج قادری
No comments:
Post a Comment
Note: only a member of this blog may post a comment.