جدید پنجابی شاعری
دُکھ دی صُورت نُوں دُھندلاواں کاہدے لئی
کڑمی اکھ اچ سُرما پاواں کاہدے لئی
جہڑا میرے ناں تُوں بلکل واقف نئیں
اوہدے دُکھ میں کُچھڑ چاواں کاہدے لئی
حاکم کہڑا مینوں چھٹیاں گھلدا اے
دس میں اوہدے سوہلے گاواں کاہدے لئی
اوہ کڑما تے میری اکھ دا چانن ایں
میں اوہدے توں اکھ پرتاواں کاہدے لئی
جِناں چِر ماں سر تے ہے عمران سحر
اوناں چِر دس میں گبھراواں کاہدے لئی
عمران سحر
No comments:
Post a Comment
Note: only a member of this blog may post a comment.