جدید پنجابی شاعری
کنکاں دی خشبو
کنکاں دی خشبو زمینے
کنکاں دی خشبو
ڈِھڈ وِچ بُھکھ دا بھانبھڑ مچیا
جسماں اُتے ماس نہ بچیا
انگ انگ وِچ سوکا رچیا
اکھ چوں مُکی لوء
زمینے! کنکاں دی خشبو
روٹی وانگوں گول زمینے
رب دئیے انمول زمینے
تُوں وی اج کُجھ بول زمینے
یاں ساڈے نال رو
زمینے! کنکاں دی خشبو
تیرے اندروں فصلاں پُھٹن
کمپنیاں رج موجاں لُٹن
بُھکھ دیاں ڈیناں ساہواں گُھٹن
اک دے لبھن دو
زمینے! کنکاں دی خشبو
حکیم احمد نعیم ارشد
No comments:
Post a Comment
Note: only a member of this blog may post a comment.