جدید پنجابی سرائیکی شاعری
دریا پاگل تھیسی نال کنارے پاگل تھیسن
چھت تے ادھی رات نہ آویں تارے پاگل تھیسن
او جو میکوں اٹھیں ویلھے پاگل پاگل آھدن
جیلھے انہاں تیکوں ڈٹھا سارے پاگل تھیسن
میں کیا تیڈی مونجھ اچ من دی وستی گالھی تھیسی
رستے گلیاں سڑکاں محل چوبارے پاگل تھیسن
توں جو زلفاں کھول کے شام دے ویلھے باغ اچ آسیں
ایں خوشبو توں ڈیکھیں موسم چارے پاگل تھیسن
ریشم ہتھڑے چم تے شازم سرمی پاگل تھیسی
تئیں جو سر تے چاتے لئی دے کھارے پاگل تھیسن
فیض احمد شازم
No comments:
Post a Comment
Note: only a member of this blog may post a comment.