جدید پنجابی شاعری
فر ساہواں تیکر ہنڈی دا
نئیں سجن نال تے ونڈی دا
او بندہ وی کیہ بندہ اے
جے مال اے اج او منڈی دا
سن ماڑا کپڑ نئیں رئیندا
نئیں ایناں اینوں چھنڈی دا
جے تگڑے دی نہ گل کریں
نئیں ماڑے نوں فر بھنڈی دا
پگ والا پیو سی ایہدا وی
کوئی بال نہ کلی رنڈی دا
اج ٹُر گئی لے کے سجن نوں
کیہ کردا گارڈ دی جھنڈی دا
طفیل عامر
No comments:
Post a Comment
Note: only a member of this blog may post a comment.