جدید پنجابی شاعری
نیویں پا کے لنگھ نا جاویں
اکھ ولا کے لنگھ نا جاویں
لبھیا جے تے ہس کے بولیں
توں شرما کے لنگھ نا جاویں
سچیاں کرنا کم ایں اوکھا
سچ لُکا کے لنگھ نا جاویں
بندہ لبھ توں مج دے اگے
بین وجا کے لنگھ نا جاویں
ہر اک تے توں مان کریں نا
دھوکا کھا کے لنگھ نا جاویں
گھاٹا کھا لئیں سانجھ نا چھڈیں
یار رسا کے لنگھ نا جاویں
ہر اک سچ نئیں چنگا ہوندا
وٹے کھا کے لنگھ نا جاویں
گل اپنی نوں کھول کے دسیں
گل سنا کے لنگھ نا جاویں
ساحر سلہری
No comments:
Post a Comment
Note: only a member of this blog may post a comment.