جدید پنجابی شاعری
جو پڑھیا سی رہ گیا وِچ کتاباں دے
نازک جِندڑی پھس گئی وچ عذاباں دے
ڈِھڈ دی اگ نے ساڑ کے کولے کر چھڈے نیں
سوہنے سوہنے مُکھڑے پُھل گُلاباں دے
سوہنیاں سہتیاں ہیراں شہریں آ وڑیاں نیں
سُنج مسنجے ہو گئے پڑ چناباں دے
اڈیاں گوڈے رگڑ رگڑ کے تھک گئے آں
خبرے کس دینہہ مُکسن پندھ ثواباں دے
رتے ڈورے نیں کٹورے ڈُلھ ڈُلھ پیندے
چوکھے ہوندے پئے نیں رنگ شراباں دے
بشیر شاد
No comments:
Post a Comment
Note: only a member of this blog may post a comment.