جدید پنجابی شاعری
واء پئی بولے
چن ماہی تُوں ہو کے اولھے
جیا میرا ڈولے، واء پئی بولے
واء پئی بولے؛ آ نی اڑئیے
دل دے راز سُنا نی اڑئیے
کہڑا اے اوہ جہدے پِچھے
در عشقے دے کھولے؛ واء پئی بولے
واء پئی بولے؛ پریت نبھائیے
وانگ چکوراں اُڈدے جائیے
میں تیری تُوں میرا ہو جا
گائیے ٹپے، ڈھولے
واء پئی بولے، واء پئی بولے
رباب ورک
No comments:
Post a Comment
Note: only a member of this blog may post a comment.