جدید پنجابی شاعری
سنیو اوئے مذہباں والیو
اک آدم کتے گواچیا
جائیو وے کدھرے بھالیو
اپنی کتاباں پھولیو
حرفاں دے معنی ٹولیو
مسجد نوں جاندا ویکھیو
مندر چوں اوندا ویکھیو
گرجے چ بیٹھا جالیو
سنیو اوئے مذہباں والیو
اک آدم کتے گواچیا
بندیاں دے انگ وی ویکھیو
لہوواں دا رنگ وی ویکھیو
بولی دا ڈھنگ وی ویکھیو
اکو جیہے سفنیاں وچ
خونی جنگ وی ویکھیو
ہاراں چوں جتاں لبھ کے
جتاں چ ہاراں دس کے
تے وچ سلیبس پالیو
سنیو اوئے نسلاں والیو
اڈیاں چک چک بڑھکیو
تے خالی بھانڈے کھڑکیو
ازلاں توں بھکھے چار کے
بارڈر تے بڑھکاں مار کے
فر مالکاں دے کہن اتے
آئی مصیبت ٹالیو
سنیو اوئے وطناں والیو
اک آدم کتے گواچیا
جائیو وے کدھرے بھالیو
طارق گجر
No comments:
Post a Comment
Note: only a member of this blog may post a comment.